Delsio ‘Tchecolly’ Guimarães *)
Iha vida politika Timor Leste agora Lider Politiku sira siempre buka maneiras no dalan oin – oin (uza forsa politika ) ADU KEKUATAN POLITIK, uza demagogia politika, Aprosimasaun oi-oin atu oinsa bele hetan konfiansa ruma husi povu atu bele hetan no halo buat ruma liu – liu oinsa bele hetan nia Objetivu Politiku.
Iha artigu ida ne’e, hau iha argumentu balun atu hato’o depois de akompanha no hare atitude politiku nebe akontese iha ikus – ikus ne’e depois de Governu AMP nia ukun no Partidu bo’ot FRETILIN nebe sai Opozisaun iha Nasaun Timor Leste.
Hare ba kontekstu Timor Leste nebe infrenta - hakarak implementa no hakarak moris ho vida Demokrasia nebe bolu Republika Demokratika de Timor Leste, ho nia sistema Governasaun ita bele hateten katak iha Nasaun nebe deit kuandu oraganizasaun Partidu politiku ida hakarak ukun iha Nasaun ida presiza involvimentu husi Povu tomak no pelumenus iha konfiansa maioria nebe’e tenque mai duni husi povu – ho nune’e sistema ida naran Demokrasia la’o buras no siempre hetan kontrolo ba malu liu husi orgaun – orgaun vital iha Estadu ida, orgaun Estadu hira ne’e mak ; Orgaun Legislativu (PN), Yudikativu (Tribunal sira), Prezidente da Republika no Oragaun Eksekutivu (Governu) nebe implementador programa. klaru katak instituisan hirak ne’e hala’o nia Dever no kna’ar tuir Konstituisaun ka Lei nebe vigora iha Nasaun Timor Leste.
Ba kazu Timor Leste nudar nasaun ki’ik nebe foin liberta nia an husi dominasaun kolonialista, ho mos koalia kona ba Nasaun nebe adopta sistema multipartidaria katak iha klima politika nasaun nian nebe uza Opozisaun sai nudar parseirus (laos inimigu) diak ba Dezemvolvimentu pais ida ne’e, hanesan ita hotu hatene katak Periodu governasaun ida uluk liu ba iha tensaun politika nebe as kuandu Governu siempre konsidera Opozisaun hanesan kabun hamlaha!
La sees husi Poder hirak nebe Povu Direitamente hato’o no fo’o liu husi nia votu iha Eleisaun sira atu Orgaun hirak ne’e hala’o nia fungsaun ho diak, presiza iha kontrolu ba malu, iha Nasaun nebe deit Opozisaun hanesan Orgaun vital ida mos iha Nasaun nia laran nebe siempre hato’o no kontrola mos ba Situasaun Nasaun nian, hodi fo’o hanoin, Kritikas Kwalidade, no Solusaun alternativas nebe diak atu bele fo’o benefisiu ba vida moris Povu no kuidadu ba Nasaun nia Futuru politiku. Maibe mos buka maneira atu analiza no buka sala ruma husi ukun ida hodi tuda fali ba ukun ne’e hodi hetan apresiasaun no valor ruma husi povu, husi kritika ne’e hodi uza hanesan meius - materia kampanye ba eleisaun.
Situasaun politika Opozisaun nebe agora dadaun akontese iha nasaun Timor Leste Depois de IV Governu Konstitusional nebe konsidera Inkonstitusional husi parte Opozisaun balun maibe iha parte ida fo’o apoiu ba Governu nebe ukun ona tinan balun, mais klaru no normal kuandu Opozisaun siempre hamri’ik metin iha nia prinsipiu atu fo’o kritikas ba Governu, foin dadaun ita mos hasoru situasaun iha Parlamentu Nasional laran Membru Parlamentu balun hatudu Kebolehan atu tinju sala – sala ba malu, keta hakarak hari’I AULAS TINJU nian iha UMA LULIK POVU nian karik? ita la kompriende! ita Povu aileba hili sira atu ba FUTU IDEIA ka FUTU RUIN? Maizumenus ne’e komplikadu oituan, nomos iha liur kritikas liu husi Opiniaun publika balun nebe hato’o atu oinsa bele fo’o hanoin hodi hadia ba Governu nia servisu atu bele la’o ho diak ne’e normal no presiza simu.
Iha parte seluk Situasaun Politiku nebe mosu iha Bloku AMP nian Governasaun mak entre Lideres sira iha AMP bele hateten katak laiha konsesu politika hodi kaer metin ba Prinsipiu AMP nian hodi nune’e atrai dupla sentimentu, iha pontu ida ne’e hau bele hateten katak membru Bloku AMP balun monu ona ba tentasaun Politika ruma husi parte balun atu se’es husi AMP, mosu komentariu oi-oin husi Publiku balun hasai deklarasaun politika hasoru politika Avo Xavier dehan halo Politika kama rua – Politika Mundur kena maju pun kena – Politika atas bawah OK, ba hau konsidera halo politika Trial and error ( mencoba gagal lalu mencoba lagi) – KOKO LA SUSESU MAIBE KOKO FALI mos politika koko sorte, ita bele hare momos katak parte Opozisaun hala’o hela servisu maka’as atu hetan nia objetivu Politiku, desde uluk Presidente da Republika fo’o tempu ba atu halo loby ka negosiasaun politika hodi aumenta Votus hodi Forma GGI (Governu Grande Inkluzaun) sei kontinua to’o ohin loron, buka hakbesik ona ba AVO Xavier ho nia rezultadu positivu mak asina Termus da Referensia ka akordu politiku FRETILIN – ASDT iha 1 de Maio 2008, loron ida nebe Historiku no nakonu ho Perdaun ba parte rua, hau bele dehan Perdaun tamba desde uluk kuandu FRETILIN hatama AVO Xavier ba dadur iha 1977 sidauk hetan mos perdaun, husi ne’e mos katak atu hamosu strategia foun no energia tuan atu halo mudansa mais radikal liu husi mehi resultadu ba Eleisaun Antisipada nebe mos sei fahe kadeira Vice – Presidente PN, Vice PM no Ministru 6 ba ASDT, hau hare tensaun Politika ida ne’ebe mosu ita bele husu katak espiritu Politiku ne’ebe AVO Xavier halo ne’e iha FORSA ka lae?
To’o iha ne’e, hau bele fo’o hanoin katak ne’e hanesan HIPOTEZA POLITIKA nebe dala ruma ema bele fiar no la fiar, maibe hau fiar eleisaun antisipada mosu kuandu ema hotu sei fo’o respeita no fo’o fiar ba politika kontaminadu nebe Avo rintis atu hatutan nia luta husi Proklamador 1975 nebe ho objetivu atu duni Indonesia sira husi Timor Leste - nebe to’o ikus sai Dosen Terbang iha Jakarta. Hakarak ka lakohi trik – trik Politika nebe Avo Xavier rintis iha era Timor Leste Ukun A’an presiza atensaun husi Lider Politiku sira, liu – liu Lider Politiku iha Bloku AMP nian.
Ho hahalok politiku nebe FRETILIN – ASDT kria hanesan tentasaun atu hatutan Politika 1975, iha hipoteza politika katak Partidu Historiku rua hahu hamutuk fali - hodi estabelese strategia foun atu hetan apresiasaun husi Povu Timor Leste atu lori ba Eleisaun Antisipada iha tempu naruk ne’e Direitu Partidu ida – ida nian, maibe hau bele hateten katak Avo Xavier liu husi nia deklarasaun nebe fo’o sai iha publiku nebe hola desizaun tarde no Moe – moe (malu – malu kucing) hela katak atu firmi nafatin hamutuk ho AMP ka atu halai se’es husi AMP hodi ba halo bloku foun no sai Opozisaun iha tempu badak? Depende.
Iha pontus as atu fo’o hanoin ba parte IV Governu Konstitusional nia servisu mesmu que foin tinan balun nia laran nebe ambisaun bo’ot ho nia kompromisiu politiku atu halo mudansa lalais ba Povu nia Moris ita bele hateten katak problema balun nebe konsidera todan neneik – neneik resolvidu, (Problema Petisionariu, Problema Salsinha, IDPs) mesmu que sira la taka matan ba problema ensensial em zeral ba povu ki’ik nia nesesidade hanesan Problema folin Mina no Fo’os nebe as maibe ho kapasidade nebe IV Governu Konstitusional nebe ema hateten mesak Sarjana Supermi deit, bele hakotu lalais problema esensial Povu nian, nebe mos hetan reaksaun maka’as husi parte Opozisaun.
So agora mais importante ba IV Governu Konstitusional husi Bloku AMP nebe Lidera Husi PM Xanana Gusmão ho nia Ministru sira tenque fo’o no simu ideias husi parte hotu-hotu. Hanesan instituisaun intelektuais, Sosiadade Sivil, Igreja no fo’o valores ba ideia hotu-hotu no tau hanesan lisaun bo’ot atu Ukun Timor Leste, agora Governasaun AMP se hakarak Sosiadade Timor Leste hotu – hotu fo’o Aplaus mak tenque estabelese sistema kontrolu ba nia Governasaun hodi nune’e minimiza knu’uk KKN (Korupsaun, Kolusaun no Nepotismu), tamba hare katak parte balun hahu dehan katak Governu AMP halo dadaun KKN ne’e buat ida que perigozu, iha tempu Governasaun uluk Opozisaun hakilar no defende maka’as atu hamos knu’uk ba KKN, maibe agora imi mak kaer fali Governasaun tamba ne’e presiza tau konsiderasaun ba problema KKN, se lae Demokrasia ho nia sistema Burokrasia nebe ita mehi atu buras netik iha nasaun ne’e mate no “Demokrasi itu bisa dibunuh di dalam lembaga demokrasi oleh para demokrat dengan cara-cara demokratis.” Hau hanoin laos nia tempo para ita hari’i nasaun ida nebe hanesan komunidade politica deit, la presiza Lider Politikus nebe fase liman no lakohi asume responsabilidade ba sira nia atuasaun Politika nebe sala, to’o diak halo provoka iha kotuk katak ne’e mos sala – se sala duni nia prosesa hodi sulan no ba ha toba iha Hotel Prodeu (BUI)..!, ne’e mak Ita hein !
Autor Hanesan aktivista ba Komunidade nia Interese
guimnazia14@yahoo.com
Lospalos, Klima Malirin, Maio 2008
Artigo ne'e publika ona iha Diario TP
